• la corna es ün organ plain vainas e crescha dürant tuot la vita. Ella es colliada culs organs digestivs, importanta per la chüra dal corp e serva per communichar cun autras bes-chas.
• las vachas e las chavras portan lur cornas cun prudenza e superbgia. Ellas sclerischan per exaimpel l'ierarchia as muossond las cornas.
• pür cull'industrialisaziun da l'agricultura s'haja cumanzà a tour davent las cornas.
• l'initiativa as basa sülla libra voluntà e la promoziun da bes-chas cun cornas. Ella nu pretenda ingün scumond dal tour davent las cornas, anzi lascha la decisiun sco fin uossa a las persunas chi tegnan bes-chas.
• l'iniziativa favurisescha ün sistem d'incuraschimaint: chi chi tegna vachas, taurs, chavras o bocs creschüts sto gnir cumpensà per las pretensiuns supplementaras.

• Da tour davent las cornas es inütil. Ün tröp da bes-chas cun cornas po gnir tgnü in mincha stalla e in möd cunfuorm a las pretaisas da la protecziun da las bes-chas.
• Bes-chas cun cornas douvran dapü spazi illa stalla ed üna chüra attenta. Quistas pretensiuns dessan gnir cumpensadas adequatamaing.
• Da tour davent las cornas es ün'operaziun massiva e dolurusa, bainschi tolerada pro las bes-chas da nüz. Ma pro las bes-chas da chasa es üna tala mutilaziun fingià dalönch scumandada.
• 20% dals vadels privats da lur cornas patischan da doluors a lunga dürada, sco ch'üna retschercha da l'università da Berna ha muossà. Autras consequenzas nu sun gnüdas examinadas.
• Las cartulinas e las reclamas idillicas ans fan straverer üna Svizra plaina da bes-chas cun cornas. Ma id es be amo var 10% da las vachas chi d'han amo cornas.
• Vuschai da SCHI per cha tuot quai as müda!

Privel dad accidaints
Las cornas sun bainschi ün tschert ris-ch da's blessar. Ma quel po gnir redüt bainquant cun üna buna planisaziun da la stalla e cun bunas relaziuns cullas bes-chas. Impü ha minchün eir in avegnir la tscherna da tegner bes-chas cun o sainza cornas.

Cuosts
La realisaziun cun contribuziuns d'incuraschimaint cuostarà var 15 milliuns per on. Quai as podarà pajar oura sainza augmentar il preventiv agricul da 3000 milliuns.

Fixaziun aint illa constituziun federala
Daspö nouv ons, la dumonda chatta dapertuot simpatia sainza cha ni l'administraziun federala ni il parlamaint tilla vessan concretisada in üna ledscha. Per quist motiv es dvantada l'iniziativa. Ella pretenda be ün cumplemaint cuort e cler dad ün artichel da la constituziun chi exista fingià. Üna cuntraproposta chi vess rendü inütila la votaziun es statta refüsada da la cumischiun cumpetenta dal cussagl dals stadis.

--> il müdamaint da la constituziun federala
--> la cronica da l'iniziativa
--> racumandaziuns