Pertge dovri l'iniziativa per las vatgas cun cornas?
- In uigl liber per vatgas cun cornas sto esser in terz pli grond che usità ed ils indrizs da l'uigl ston esser adattads al cumportament dals animals. Quai custa daners.
- Pervi dal basegn da plaz pli grond pon ins tegnair sin la medema surfatscha d'uigl pli paucs animals. Quai signifitga damain entradas.
- La relaziun tranter l'uman e l'animal sto vegnir tgirada pli intensivamain. Quai pretenda dapli temp.
- Tenor la lescha svizra davart la protecziun dals animals na dastga nagin chaschunar nungiustifitgadamain mals, suffrientschas u donns ad in animal, far tema ad el u cuntrafar en in'autra moda a sia dignitad. Tenor noss'opiniun violescha la scornada la dignitad da l'animal.
- Sistems d'uigl duain vegnir adattads a l'animal; betg l'animal duai s'adattar al sistem d'uigl.
- I n'è betg pussaivel da scornar senza far nagin mal. Il grond gnerv principal en il brumbel da la corna na pon ins praticamain betg narcotisar a moda cumpletta. La narcotisaziun ed ils medicaments mitigiants sedeschan il vadè uschè fitg che sia reacziun da dolur è pitschna, ma tuttina bain perceptibla.
- Vatgas senza cornas ston reglar lur conflicts en il contact corporal direct. Quai maina a blessuras internas che n'èn betg visiblas dadora. Ma il mazler na po betg duvrar la charn smardegliada.
- E pertge han las vatgas en la reclama e sin ils emballadis tgi sa adina cornas?
|
