L'initiativa as basa sülla libra voluntà e la promoziun da bes-chas cun cornas.
Ella nu pretenda ingün scumond. La decisiun da tour devent o laschar las cornas reista pro la persuna chi tegna l'armaint.
Quist'iniziativa incuraschischa las famiglias da paurs da laschar las cornas a lur muvel. Els survegnan ün'indemnisaziun adequata per las pretensiuns supplementaras.
- Bes-chas cun cornas douvran dapü spazi. Illa medemma stalla ha lö damain muvel, e quai manaja: damain guadogn.
- Bes-chas cun cornas douvran üna relaziun pü intensiva culs umans, e quai manaja: dapü temp.
- La realisaziun cuosta var 15 milliuns francs. Quai ha sainz'auter lö aint il preventiv annual d'agricultura da 3'000 milliuns. quel nu mangla gnir augmentà.
L'apparentscha ingiana.
- In Svizra, be pü ca 10% da las vachas han amo cornas. Ma illas reclamas hana dapertuot cornas.
L'iniziativa sustegna la dignità e l'integrità da las bes-chas.
- La corna es üna part dal corp. Quist organ es plain vainas e nervs e serva a las vachas e chavras per communichar, as sgrattar ed ha üna funcziun aint il metabolissem.
- Quai es ün'operaziun fich dolurusa da tour davent las cornas. L'università da Berna ha constatà cha 20% dals vadels privats da lur cornas patischan da doluors a lunga dürada.
- Sia vusch per l'iniziativa incuraschischa dapü paur As da tegner muvel cun cornas.
